मनोरञ्जन

बन्दको विरोधमा निशा र आर्यनको आक्रोश

आइतबार नेकपा माओवादी लगायतका ३३ दलले आयोजना गरेको बन्दले आम जनतासँगै सिंगो सिने नगरीलाई पनि हैरानीमा पारेको छ । हलमा चलेका सिनेमाले बन्दकै कारण लाखौ घाटा बेहोरेका छन् भने कलाकारहरुले पनि सास्ती भोगेका छन् ।चलचित्र ‘मधुमास’को छायांकनका लागि नायक आर्यन सिग्देल उज्यालो हुनुअ अघि नै सुटिङ स्थलमा पुगेका छन् । फेसबुकमा आर्यनले बन्दको विरोध गर्दै लेखेका छन् :
यो बन्दले आजा ४ बजे नै उठायो
बन्द गर्ने प्रथा कहिले बन्द हुन्छ ?
नभए बन्द गर्नेहरु नै बन्द भए कसो होला ?
अब सुटिङमा सुटिङ गर्ने कि सुतिङ ।।
यता नायिका निशा अधिकारीले पनि फेसबुकमा बन्दका कारण ४ बजे नै उठेर छायांकनमा पुगेको फेसबुकमा लेखेकी छिन् । उनले भारतले बनाएको संघियता नेपालीहरुको हातमा छ भन्ने कुरा बिहानै पत्रिकामा पढेको उल्लेख गरेकी छिन् । फेसबुकमा निशाले देशमा पैसा खाने र देश बेच्नेहरुको कमी छैन भन्दै निक्कै आक्रोश पोखेकी छिन् ।बन्दको विरोध गर्दै अन्य कलाकारहरुले पनि यस्तै आक्रोश व्यक्त गरेका छन् । नेपाली सिनेमाको बजार दैनिक ओरालो लागिरहेको समयमा बेला बेलामा हुने यस्ता बन्दले झनै चलचित्रकर्मीलाई आजित बनाउने गरेको छ ।